Лъэпкъ проектэу «Псауныгъэм» хахьэу Адыгеим Iэмэ-псымакIэу къыIэкIэхьа­гъэ­хэм яшIуагъэкIэ операцие хьылъэхэр ти­врачхэм ашIын алъэкIы.

Адэбз узхэм зыщяIэзэ­хэрэ республикэ клиническэ сымэджэщым мы илъэсым имэзихэу пыкIыгъэм Iэмэ­-псымакIэу къаIэкIэхьагъэхэм яшIуагъэкIэ операции 100 фэдиз щашIыгъ.

АР-м псауныгъэр къэу­хъумэгъэнымкIэ и Министерствэ къызэрэщаIуагъэмкIэ, бэмышIэу илъэс 63-рэ зыныбжь бзылъфыгъэр ылъэ­къо джабгъу уIагъэу фэхъу­гъэр бэрэ зэрэмыкIыжьырэм епхыгъэу сымэджэщым иврачхэм зафигъэзагъ. Бзы­лъфыгъэм шъоущыгъу уз иI. 2015-рэ илъэсым операцие ашIи, ылъэкъо сэмэгу па­хыгъ. Iэмэ-псымакIэмкIэ ангиографие зашIым, процент 80-м кIахьэу узым зи­ушъомбгъугъэу къыгъэ­лъэгъуагъ.

Бзылъфыгъэм ылъакъо операцие ашIыгъ, уIагъэр кIыжьэу ригъэжьагъ. Опера­циер зышIыгъэр лъынтфэ хирургэу Леонид Сахно.

КIАРЭ Фатим.