Адыгэ Республикэм и Къэралыгъо Совет – Хасэм ияпшIыкIущэнэрэ зэхэсыгъо 2022-рэ илъэсым бэдзэогъум и 29-м зэIуагъакIэ.

Iофыгъоу зытегущыIэщтхэм мы къыкIэлъыкIохэрэр ахагъэ­хьагъэх: законопроектхэу «Адыгэ Республикэм и Законэу «Адыгэ Республикэм икъэралыгъо хабзэ игъэцэкIэкIо къулыкъухэм ясистемэ ехьылIагъ» зыфиIорэм ыкIи Адыгэ Респуб­ликэм и Законхэм яположение заулэхэм кIуачIэ ямыIэжьэу лъытэгъэным фэгъэхьыгъ», Адыгэ Республикэм и Законхэу «ЗекIоным хэхъоныгъэ егъэшIыгъэнымкIэ Адыгэ Республикэм икъэралыгъо хабзэ икъулыкъухэм яполномочиехэм яхьылIагъ», «Розничнэ бэдзэрхэм язэхэщэн ехьылIагъ», «Чылапхъэхэм якъыхэхынкIэ Iофыгъо зырызхэм язэшIохын ехьылIагъ», «Энергием икIэугъоен ыкIи шIуагъэу ащ къытырэм зыкъегъэ­Iэтыгъэным яхьылIагъ», «Фэтэрыбэу зэхэт унэхэмкIэ зэдыряеу щыт мылъкур игъэкIотыгъэу гъэцэкIэжьыгъэным, игъоу ар зэшIохыгъэным яIофыгъо заулэхэм яхьылIагъ», «ЦIыфхэмрэ хьылъэхэмрэ язещэн иIофыгъо зырызхэм язэшIохын ехьы­лIагъ», «Физическэ культурэмрэ спортымрэ яхьылIагъ», «Культурэм ехьылIагъ», «ЦIыфхэм ясоциальнэ фэIо-фашIэхэм ягъэцэкIэнкIэ Iофыгъо зырызхэм язэшIохын ехьылIагъ», «ОшIэ-дэмышIагъэ зыхэлъ чIыопс ыкIи техногеннэ нэшанэ зиIэ тхьамыкIагъохэм Адыгэ Республикэм щыпсэухэрэр ащыухъумэгъэнхэм ехьылIагъ» зыфиIохэрэм апэрэу ахэплъэгъэныр ыкIи нэмыкI Iофыгъохэр.

Адыгэ Республикэм и Къэралыгъо Совет – Хасэм изэхэсыгъо сыхьатыр 10-м А.С. Пушкиным ыцIэкIэ щыт Урыс къэ­ралыгъо драматическэ театрэм щаублэщт: къ. Мыекъуапэ, ур. Пушкиным ыцIэкIэ щытыр, 179.

Адыгэ Республикэм и Къэралыгъо Совет – Хасэм и Тхьаматэу Владимир Нарожнэр