АР-м и Къэралыгъо автоинспекцие ыкIи следственнэ-оперативнэ купым икъулыкъушIэхэм пэшIорыгъэшъэу зэрагъэунэфыгъэмкIэ, Мыекъопэ районым иавтомобиль гъогоу «Кавказ» зыфиIорэм Краснодар щыщ бзылъфы­гъэу илъэс 23-рэ зыныбжьым имашинэ кIапсэ пышIагъэу ичIыпIэгъоу илъэс 23-рэ зыныбжь кIалэм иавтомобиль ылъэшъущтыгъэ.

Бзылъфыгъэм иавтомобиль пышIэгъэ кIапсэр зэпычи, Къэ­рэщэе-Щэрджэс Республикэм щыщ хъулъфыгъэу илъэс 55-рэ зыныбжьым ыгъэIорышIэщты-гъэ машинэу ыпэкIэ къикIырэм еутэкIыгъ. Ар Къэбэртэе-­Бэлъкъар Республикэм щыщ илъэс 23-рэ зыныбжьым иавто­мобилэу Лада Грантым еутэкIыгъ. Ащ ичIыпIэгъу нэбгыритIу къыдисыгъ.

АР-м хэгъэгу кIоцI IофхэмкIэ и Министерствэ къызэри­тыгъэмкIэ, мы гъогу хъугъэ-­шIагъэм ыпкъ къикIыкIэ Ладэ Грантым исыгъэм идунай ыхъо­жьыгъ. Водителымрэ ащ къыдисыгъэмрэ шъобжхэр атещагъэхэу сымэджэщым ащагъэх.

Мы уахътэм Мыекъопэ районым иполицие уплъэкIунхэр ешIых, ащ кIэухэу фэхъущтымкIэ унэшъо гъэнэфагъэ ышIыщт.