Нэбгырэ 300 фэдиз хэлэжьэщт
Къыблэ ыкIи Темыр-Кавказ федеральнэ шъолъырхэм ягуфитхэм я Форум бэдзэогъум и 19-м къыщегъэжьагъэу и 22-м нэс Адыгеим щыкIощт.
«КIэлэцIыкIухэм, ныбжьыкIэхэм граждан ыкIи патриотическэ пIуныгъэ тэрэз яIэным епхыгъэ Урысые гупчэр», АР-м гъэсэныгъэмрэ шIэныгъэмрэкIэ и Министерствэ Iофтхьабзэм кIэщакIо фэхъугъэх. НыбжьыкIэ IофхэмкIэ Федеральнэ агентствэр яIэпыIэгъоу форумыр зэхащэ.
Гуфит IофшIэным хэхъоныгъэхэр ышIынхэр, ащ хэщэгъэ цIыфхэм япчъагъэ ары нахьыбэ хъуныр пшъэрылъ шъхьаIэу зэхэщакIохэм зыфагъэуцужьырэр.
Къыблэ ыкIи Темыр- Кавказ федеральнэ шъолъырхэм къарыкIыщт нэбгырэ 300 фэдиз Форумым хэлэжьэнэу агъэнафэ. Ахэм аныбжь илъэс 18-м къыщегъэжьагъ.
МэфиплIым къыкIоцI ахэм Iофтхьэбзэ гъэшIэгъонхэр афызэхащэщтых.