Мыекъопэ къэралыгъо технологическэ университетым иэкологическэ факультет истуденткэу Айна Мусаевар я VI-рэ шъолъыр зэнэкъокъоу «Worldskill»s зыфиIорэм бэмышIэу текIоныгъэ къыщыдихыгъ.

Мы мафэхэм Урысые «Worldskills-м» иуцугъо пшъэшъэжъыер хэлэжьагъ. Очнэ-пэIудзыгъэ шIыкIэм тетэу Казань щызэха­щагъэм зэрифэшъуашэу зыкъыщигъэлъэгъуагъ. «Фло­ристикэм» ылъэныкъокIэ сэнаущыгъэу хэ­лъыр ыушэтыгъ ыкIи къэгъагъэхэм ахишIыкIыгъэ композициехэр анахь дэ­гъухэм ахалъытагъэх. Лъэпкъ командэм Айнэ хэхьагъ, дунэе чемпионатым ахэм джы зыфагъэ­хьазырыщт.

— Сикураторхэу Уджы­хъу Мэгърэтрэ Мария Краснощековамрэ сызэрафэразэр къасIомэ сшIоигъу. Ахэр ары IэпыIэгъу къысфэхъугъэхэр ыкIи мэзэ заулэрэ Iофтхьабзэм сыфэзыгъэхьазырыгъэхэр. Къызэрэсщыгугъыхэрэр къэзгъэшъыпкъэжьыным сыпылъыщт, урысые зэ­нэ­къокъухэм ямызакъоу дунэе мэхьанэ зиIэ Iофтхьабзэхэми сахэлэжьэным сыфэкIощт, — еIо Айнэ.