Хьыкум приставхэм я Федеральнэ къулыкъурэ УФ-м цифрэ шIыкIэм хэхъоныгъэ ышIынымкIэ, зэпхыныгъэмкIэ ыкIи коммуникацие жъугъэмкIэ и Министерствэрэ зэгъусэхэу Къэралыгъо фэIо-фашIэхэм япортал «Урысыем уикIыным пае пэрыохъухэр щыгъэзыягъэ зэрэхъущт шIыкIэр» зыфиIорэ сервисыкIэр щатIупщыгъ.

Мыщ фэдэ екIолIакIэм ишIуа­гъэкIэ чIыфэ зытелъ цIыфым ищыкIэгъэ къэбарыр псынкIэу къыIэкIахьэ, къэралыгъом игъу­напкъэ зэпичынымкIэ пэры­охъоу щыIэхэм защигъэгъозэн елъэкIы. Ащ пае унэе кабинетым ихьан фае.

ЧIыфэу ателъыр зыфэдизыр зэрагъэшIэн зэралъэкIыщтым дакIоу, ар апщынынымкIэ амалэу щыIэхэми цIыфхэм защагъэгъозэн алъэкIыщт.

Шъугу къэдгъэкIыжьын, чIыфэр сомэ мин 30 мэхъумэ, ар зытелъым къэралыгъом игъу­напкъэ зэпичын ымылъэкIынэу хьыкумым унашъо ышIын ылъэ­кIыщт. Ау, гущыIэм пае, кIэлэпIупкIэм итынкIэ чIыфэр сомэ мини 10-м нэсыгъэмэ къэралыгъом урагъэкIыщтэп.

2022-рэ илъэсым мэкъуогъум и 1-м ехъулIэу, чIыфэ зытелъхэр охътэ гъэнэфагъэкIэ къэралыгъом икIынхэ фимытхэу хьыкум приставхэм я Федеральнэ къу­лыкъу АдыгеимкIэ и ГъэIорышIапIэ иIофышIэхэм унэшъо мин 19,3-рэ ашIыгъ. Ахэр Iоф мин 28,5-м ателъытагъэх.

Хьыкум приставхэм я Федеральнэ къулыкъу АдыгеимкIэ и ГъэIорышIапIэ ипресс-къулыкъу.