ЩынэгъончъэнымкIэ федеральнэ къулыкъум ишъолъыр Гъэ­IорышIапIэ Адыгеим щыпсэурэ нэбгыритIум алъэны­къо­кIэ уголовнэ Iоф къызэIуихыгъ. АшIэ хэлъэу нэбгы­рэ заулэмэ ыкIи зэхэщэкIо купым кощын Iофхэм алъэ­ныкъокIэ бзэджэшIагъэ зэрэзэрахьагъэм фэшI ахэр агъэмысэ.

ГъэIорышIапIэм икъулыкъушIэхэм зэрагъэунэфыгъэмкIэ, ашъхьэ ифедэ зэрэхъу­щтым пылъхэу кавказ IэкIыб республикэхэм къарыкIыгъэ нэбгыриплIым Урысые Федерацием къыщекIокIынхэ алъэкIынэу документ нэпцIхэр афашIыгъэх. Ащ къыхэкIыкIэ IэкIыбым къикIыгъэхэр Урысыем хэбзэнчъэу щыпсэугъэх.

Уголовнэ Iофым хахьэу къулыкъушIэхэм лъыхъун Iофтхьабзэхэр зэрахьэхэзэ бзэджашIэхэр зыдэщыIэхэр агъэунэфыгъэх, миграционнэ ыкIи IофшIэным епхыгъэ зэзэгъыныгъэ тхьэпэ нэпцIхэр, печатыр, штампыр къаIахыгъэх. Мыхэм мы уахътэм ехъулIэу хьапсым чIэсых.