Бэдзэогъум и 8-р — унагъом, шIулъэгъум ыкIи шъыпкъагъэм я Маф
Лъытэныгъэ зыфэтшIэу Адыгэ Республикэм щыпсэухэрэр! ТичIыпIэгъу лъапIэхэр!
Унагъом, шIулъэгъум ыкIи шъыпкъагъэм я МафэкIэ тышъуфэгушIо!
Мы мэфэкI дахэр мыгъэ апэрэу официальнэу тихэгъэгу щыхагъэунэфыкIы. Урысые Федерацием и Президентэу Владимир Путиным иунашъокIэ унагъом уасэу иIэр къызэтегъэнэжьыгъэным ыкIи кIэлэцIыкIухэм, ныбжьыкIэхэм цIыфыгъэ ахэлъэу пIугъэнхэм афэIорышIэнэу ар агъэнэфагъ. Илъэс къэс бэдзэогъум и 8-м хэгъэгум ар щыхагъэунэфыкIыщт.
Унэгъо лъэпсэ пытэ гъэпсыгъэныр, унагъом иинститут гъэпытэгъэныр къэралыгъо хэбзэ къулыкъухэм яIофшIэнкIэ апшъэ ашIыхэрэм ащыщ.
Унагъом, ным ыкIи кIэлэцIыкIухэм IэпыIэгъу ятыгъэным, демографием зегъэушъомбгъугъэным афытегъэпсыхьагъэу Адыгеим щызэшIохыгъэ хъурэр бэ. КIэлэцIыкIухэу республикэм къихъухьэхэрэм, сабыибэ зэрыс унэгъо Iужъухэм япчъагъэ зэрэхахъорэм ар къаушыхьаты. БлэкIыгъэ илъэсым Адыгеим сабый 4553-рэ къихъухьагъ. Сабыибэ зэрыс унагъоу республикэм щыпсэурэр 7709-рэ мэхъу.
Президентыр кIэщакIо зыфэхъугъэ ахъщэ тынэу илъэси 3 — 7 зыныбжь кIэлэцIыкIу зэрыс унагъохэм афагъэнэфагъэр къызфакIорэр 17000 мэхъу.
Сабый зэрыс унагъоу республикэм щыпсэухэрэм тирэзэныгъэ мы мафэм къафитIотыкIымэ тшIоигъу, анахьэу унэгъо Iужъухэмрэ сабый зыпIунэу къаIызыхыгъэхэмрэ!
Ныбджэгъу лъапIэхэр, псауныгъэ пытэ, насып, щыIэкIэ-псэукIэ дэгъу шъуиIэнэу, шIулъэгъум, гушIуагъом, шIум шъуащымыкIэнэу, ренэу шъуазыфагу зэгурыIоныгъэ илъынэу тыгу къыддеIэу тышъуфэлъаIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр