Кушъхьэфачъэр зикIасэхэм агу къагъэкIыжьыгъ
Адыгеим и Къэралыгъо автоинспекторхэм гъогурыкIоным ишапхъэхэр бгъэцэкIэнхэ зэрэфаер кушъхьэфачъэр зезыфэхэрэм агу къагъэкIыжьыгъ.
Кушъхьэфачъэр – транспорт амалхэм зэу ащыщ, арышъ, ар зэрэзепфэщтым пылъ шапхъэхэр шIокI имыIэу пшIэнхэ ыкIи бгъэцэкIэнхэ фае. Гъэмафэм мыщ фэдэ транспортым ипчъагъэ урамхэм ыкIи паркхэм нахьыбэ ащэхъу. Зыгъэпсэфыгъо уахътэр щынэгъончъэным фэшI инспекторхэм кушъхьэфачъэр зикIасэхэм мэхьанэ зиIэ зэдэгущыIэгъухэр адашIыгъэх.
Гъогум щынэгъончъэу зэрэщызекIощтхэ шIыкIэхэр Iэтахъохэм ыкIи янэ-ятэхэм къафаIотагъ. ХэушъхьафыкIыгъэу полицейскэхэр къызыщыуцугъэхэм ащыщ укъэзыухъумэрэ ыкIи нэфынэр къэзытырэ пкъыгъохэр шIокI имыIэу агъэфедэнхэу зэрэщытыр.
Илъэс 14 зыныбжьым къыщегъэжьагъ кушъхьэфачъэм тесэу гъогум техьан фитыр. Ащ дакIоу, джабгъу сатырэм нахь игъунэгъоу рычъэнхэу щыт, гъогур зэпыпчыным пае кушъхьэфачъэм укъехын, ар джабгъу лъэныкъомкIэ къыбготэу урыкIон фае.
Iофтхьабзэм хэлэжьагъэхэр гъогу инспекторхэм афэрэзагъэх, кIэлэцIыкIухэм къэнэфырэ пкъыгъохэр аратыгъэх, гъэмафэр щынэгъончъэу рекIокIынэу афэлъэIуагъэх.