Лъытэныгъэ зыфэсшIырэ къэралыгъо инспекторхэр, къулыкъум иветеранхэр! Сыгу къыздеIэу шъуисэнэхьат епхыгъэ мэфэкIымкIэ сышъуфэгушIо!

Мыгъэ Къэралыгъо инспекциер зызэхащагъэр илъэс 86-рэ мэхъу. Ащ мэхьанэшхо иIэу щыт. ГъогурыкIоныр щынэгъончъэным епхыгъэ IофшIэным хэшIыкI куу фыряIэу, IэпэIэсэныгъэ ин зиIэ IофышIэхэм щытхъу хэлъэу ар агъэцакIэзэ мэфэкIым пэгъокIых. Аужырэ илъэсхэм мы къулыкъумрэ гъо­гу­рыкIоным хэлажьэхэрэмрэ зэфыщтыкIэ гъэнэфагъэхэр яIэхэ хъугъэ.

Автоинспекцием икъулыкъу­шIэхэр сыдигъуи нэплъэгъум итых, арышъ, обществэм еплъы­кIэу къыфыряIэщтыр инспектор пэпчъ изекIуакIэ елъытыгъ.

ГъогурыкIоныр щынэгъончъэ­нымкIэ Къэралыгъо инспекцием зэпымыоу гъэсэныгъэ ыкIи зэхэфын IофшIэныр Адыгеим щыпсэухэрэм, хьакIэу къакIо­хэрэм адызэрехьэ. КiэлэцIыкIухэр зыхэфэхэрэ гъогу хъугъэ- шIагъэхэр дэгъэзыжьыгъэнхэм епхыгъэ пэшIорыгъэшъ Iофтхьабзэхэр бэу зэхащэх. Ащ шIыкIакIэхэр къыфагъотых.

Сицыхьэ телъ гъогурыкIоныр щынэгъончъэнымкIэ Къэралыгъо автоинспекцием иподразделение пстэуми ахэтхэм гъогурыкIоным хэлажьэхэрэм яфитыныгъэхэр, яшIоигъоныгъэхэр, ящынэгъончъагъэ, япсауныгъэ зэрифэшъуа­шэу къызэраухъумэщтым.

ХэушъхьафыкIыгъэ рэзэныгъэ гущыIэхэр тиветеран лъапIэхэм афэсэгъэхьы. Къулыкъур ылъэ теуцоным, ныбжьыкIэу къыха­хьэхэрэр агъэсэнхэм акIуачIэ емыблэжьхэу зэрафэлэжьагъэ­хэм апае къызэрэдготхэмкIэ гущыIэ фабэхэр апэсэгъохых.

Тикъэралыгъо игъогухэм ателъ правопорядкэр къаухъу­мэзэ зищыIэныгъэ зытыгъэ тиIофшIэгъухэм егъэшIэрэ шIэ­жьыр адэжь!

Мы Iоф мыпсынкIэр зыгъэцэкIэрэ пстэуми псауныгъэ пытэ, насып яIэнхэу, гъэхъагъэ­хэр ашIынхэу сафэлъаIо!

АР-м хэгъэгу кIоцI IофхэмкIэ иминистрэу, полицием иполковникэу Олег Безсмельницыныр.