КIэлэцIыкIухэр футболым фэщэгъэнхэм фэгъэ­хьыгъэ фестивалыр Урысыем щэкIо.

Къэралыгъо гъэпсыкIэ иIэу Адыгеир зыпсэурэр илъэси 100 зэрэхъурэр зэхэщакIохэм къыдалъыти, пэшIорыгъэшъ зэIукIэгъухэр Мыекъуапэ щырагъэкIо­кIыгъэх. Командий зэнэкъокъум хэ­лэжьагъ.

Адыгэ Республикэм футболымкIэ икIэлэцIыкIу-ныбжьыкIэ спорт еджапIэ итренерхэу А. Белоусым ыкIи Р. Мэлахъом агъасэхэрэ кIалэхэм яIэпэIэсэныгъэ зэнэ­къо­къум къыщагъэлъэгъуагъ. Командэхэр купитIоу гощыгъа­гъэх, кIэух ешIэгъухэм анахь лъэшхэр къащынэфагъэх. Мыекъуапэ икомандэу «СШОР-2012-м» апэрэ чIыпIэр къыдихыгъ. Краснодар краим икъа­лэу Хадыженскэ икомандэу «Фениксым» ятIонэрэ чIыпIэр ыхьыгъ. Тульскэм икоман­дэу «Олимпым» я 7-рэ, Мые­къопэ «Зэкъошныгъэм» я 8-рэ чIыпIэхэр къахьыгъэх.

ЕшIэкIо анахь дэгъухэр зэнэ­къокъум къыщыхахыгъэх. «СШОР-2012-м» иешIакIохэу Аким Агаповыр къэлэпчъэIут анахь дэгъоу зэхэщакIохэм алъытагъ. КIэдэкIой Астемир ыпэкIэ анахь дэгъоу щешIагъэу ыцIэ къыраIуагъ.

Апэрэ ыкIи ятIонэрэ чIыпIэхэр къыдэзыхыгъэ командэхэр Урысыем икIэух зэIукIэгъухэу Анапэ ипсэупIэу Витязево Iоныгъом и 23 — 30-м щыкIощтхэм ахэлэ­жьэщтых.