Наталья Алифиренкэр федеральнэ почтэ зэпхыныгъэмкIэ Адыгэ Республикэм и ГъэIорышIапIэ ипащэу агъэнэфагъ. ЗыцIэ къетIогъэ ГъэIорышIапIэм ипащэ игодзэ IэнатIэ тапэкIэ ащ ыIыгъыгъ.

Наталья Алифиренкэм ипшъэрылъ шъхьаIэхэм ахэхьэ цифрэ технологиехэмрэ логистикэмрэ компанием защегъэушъомбгъугъэныр, проектыкIэхэр чанэу пхырыщыгъэнхэр.

Наталья Алифиренкэр 1982-рэ илъэсым къэхъугъ, потребительскэ кооперациемкIэ Белгородскэ университетыр сэнэхьатэу «финансхэмрэ кредитымрэ» зыфиIорэмкIэ къыухыгъ. Илъэс 17-м ехъугъэу Iахьзэхэлъ обществэу «Урысыем и Почтэ» Iоф щешIэ. Наталья Алифиренкэр бухгалтерэу ригъажьи, ГъэIорышIапIэм ипэщэ IэнатIэ нэсыгъ.