«АГУ-Адыиф» Мыекъуапэ — «Луч» Москва — 20:24 (12:16). ЖъоныгъуакIэм и 1-м спорт Унэшхоу Кобл Якъубэ ыцIэ зыхьырэм щызэдешIагъэх.

«АГУ-Адыиф»: къэлэпчъэIутхэр: Ламзина, Баскакова; ешIа­кIохэр: Краснокутская, Никулина, Кириллова, Колодяжная — 3, С. Морозова — 2, Мещерякова, А. Морозова — 6, Куцевалова — 2, Поршина, Кобл — 3, Ю. Кожубекова — 1, Казанджян — 2, Казиханова — 1. «Лучым» къыхэщыгъэхэр: Кру­тенникова — 8, Баева — 6.

Суперлигэм хэт клубхэу я 9-рэ чIыпIэм фэбанэхэрэр Мые­къуапэ щызэIукIагъэх. Москва иешIакIохэр «Адыифым» ыпэ ишъыгъэх. Пчъа­гъэр зэрэлъы­кIуатэщтыгъэр: 3:4, 5:7, 9:12, 12:16. Я 33-рэ такъи­къым 13:18 пчъагъэр хъугъэ.

ЗэIукIэгъум икIэух гъэшIэгъонэу кIуагъэ: 15:20, 18:22. Я 56-рэ такъикъым А. Казанджян хъагъэм Iэгуаор редзэ — 19:23. С. Морозо­вар ыпэкIэ илъи, ешIапIэм щыте­фэзэ дахэу къэлапчъэм Iэгуаор дидзагъ. Я 59-рэ такъикъым Мые­къуапэ щапIугъэу «Лучым» ще­шIэрэ Ю. Баевар тиухъумакIохэм аIэкIэкIыгъ, «Адыифым» икъэлапчъэ Iэгуаор дидзагъ — 19:24. А. Морозовар «Лучым» иухъумакIохэм пхъашэу ябэныгъ, хъагъэм Iэгуаор ридзагъ, пчъа­гъэр — 20:24, уахътэр 59:52, «Лучыр» гуIэзэ ыпэкIэ къылъыкIотагъ, ау Iэгуаор чIинагъ. Алина Морозовар псынкIэу гупшыси, ухъума­кIохэр къызэринэкIыгъэх. Къэлапчъэм зыдаом, ухъумакIохэм Iэгуаор къызэкIадзэжьыгъ, ешIэгъур 20:24-у аухыгъ.

Пресс-зэIукIэр

— Москва тызыщешIэм 33:27-у текIоныгъэр къэтхьыгъ. Мыекъуа­пэ щыкIогъэ зэIукIэгъум «Лучым» текIоныгъэр къыщыдихыгъэми, ябгъонэрэ чIыпIэм тыфэбэнщт, зэнэкъокъум тэры щылъыкIуа­тэ­рэр, — къыIуагъ «Адыифым» итренер шъхьаIэу, Урысыем иза­служеннэ тренерэу Александр Реввэ. — ТиешIакIохэм къахэсэгъэщых Алина Морозовар, Софья Морозовар, Дарья Ламзинар, Оксана Колодяжнаяр.

Я 9-рэ чIыпIэм «Адыифыр» фэбанэзэ, гъогогъуи 2 Ставрополь икомандэ IукIэщт. Апэрэ ешIэгъур непэ Мыекъуапэ щы­кIощт. «Адыифыр» «Лучым» зыIокIэм, Алина Морозовар ешIэкIо анахь дэгъоу тиклуб къыхахыгъ. Софья Морозовами щысэшIу къыгъэ-­ лъэ­гъуагъ. Морозовахэм гуфэбэныгъэ тагъэшIыгъ, тагъэгушIуагъ. Ти­пшъашъэхэм ягъэхъагъэхэм ахагъэхъонэу афэтэIо.