Хь. М. Шъэумэным фэкIо

Лъытэныгъэ зыфэсшIырэ Хьазрэт Мэджыдэ ыкъор!

Уныбжь илъэс 85-рэ зэрэхъурэмкIэ сыгу къыздеIэу сыпфэгушIо!

ЩыIэныгъэ гъогу дахэ къэпкIугъ, цIыфым ипшъэрылъ зэригъэцэкIэн, ихэку гупсэрэ и Хэгъэгурэ зышъхьамысыжьэу зэрафэлэжьэн фаемкIэ щысэтехыпIэшIоу ущыт. Патриот шъыпкъэу, политик Iушэу, гулъытэшхо зиIэ къэралыгъо IофышIэу ущыт. Опыт ин, гупыкIышхо зэрэуиIэм, къулайныгъэ ин зэрэпхэлъым, цIыфхэм узэрафэгумэкIырэм яшIуагъэкIэ гухэлъэу уиIэхэр къыбдэхъух.

Адыгэ Республикэм пэщэныгъэ зыдызепхьэгъэ илъэсхэм узэрэчаныр, Iофхэм язэхэщэн узэрэфытегъэпсыхьагъэр къэбгъэлъэгъуагъ, республикэм иэкономикэ игъэпытэн уишъыпкъэу уфэлэжьагъ.

ШIушIэнымкIи пцIэ дахэу щябгъэIуагъ. Социальнэ мэхьанэ зиIэ проектхэр чанэу пхырыпщыхэзэ, лъэныкъо зэфэшъхьафхэмкIэ мэхьанэшхо зиIэ пшъэрылъхэр зэшIопхыгъэх, нэбгырэ мин пчъагъэмэ ящыIэкIэ-псэукIэ зыкъебгъэIэтын плъэкIыгъ.

Лъытэныгъэ зыфэсшIырэ Хьазрэт Мэджыдэ ыкъор, псауныгъэ пытэ, насып, щыIэкIэ-псэукIэ дэгъу уиIэнэу, уигъашIэ кIыхьэ хъунэу, къыппэблэгъэ цIыфхэм ягуфэбэныгъэ ущымыкIэнэу сыпфэлъаIо!

Лъытэныгъэ къыпфэзышIэу, Адыгэ Республикэм и ЛIышъхьэу КъумпIыл Мурат