Адыгэ Республикэм ис быслъымэнхэу лъытэныгъэ зыфэтшIыхэрэр! ТичIыпIэгъу лъапIэхэр!
Бирам мэфэкIымкIэ тышъуфэгушIо!
Быслъымэнхэм анахь агъэлъэпIэрэ мэфэкIхэм зыкIэ ащыщым къегъэлъагъо ислъам диныр цIыфыгъэм, мамырныгъэм, фэныкъом уфэгумэкIын, IэпыIэгъу уфэхъун зэрэфаем зэряпхыгъэр.
А хэбзэ шIагъохэм яшIуагъэ къэкIо зэгурыIоныгъэу цIыфхэм азыфагу илъыр джыри нахь пытэ хъунымкIэ, лъэпкъ зэфэшъхьафхэм къахэкIыгъэхэу Адыгеим щыпсэухэрэм ыкIи дин зэфэмыдэхэр зылэжьыхэрэм зэзэгъыныгъэ азыфагу илъынымкIэ.
Бирам мэфэкIым ехъулIэу зэкIэми тышъуфэлъаIо псауныгъэ пытэ, насып шъуиIэнэу, дунаир мамырэу, шъуигухэлъ дахэхэр къыжъудэхъухэу шъупсэунэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожный