Мэлылъфэгъум и 28-р — медицинэ IэпыIэгъу псынкIэ языгъэгъотыхэрэм я Маф
Медицинэ IэпыIэгъу псынкIэ языгъэгъотырэ IофышIэхэу лъытэныгъэ зыфэтшIыхэрэр!
Шъуисэнэхьат епхыгъэ мэфэкIымкIэ тышъуфэгушIо!
Псауныгъэм икъэухъумэн епхыгъэ Iофэу жъугъэцакIэрэр нахь къинхэм ащыщ. Шъуикъулыкъу испециалистхэр ары чIыпIэ зэжъу ифагъэхэм апэ IэпыIэгъу афэхъухэрэр, тхьамыкIагъо къызэхъулIагъэм ищыIэныгъэрэ ипсауныгъэрэ къарыкIощтыр ахэм яIэпэIэсэныгъэ бэкIэ елъытыгъ.
Адыгеим исхэр медицинэ IэпыIэгъу псынкIэ языгъэгъотырэ къулыкъухэм яIофышIэхэм лъэшэу афэразэх япшъэрылъ дэгъоу зэрагъэцакIэрэм, СОVID-м икъызэтеIэжэнкIэ пытагъэ къызэрэзыхагъэфагъэм афэшI.
Медицинэ IэпыIэгъу псынкIэ языгъэгъотырэ Адыгэ республикэ станцием, медицинэ тхьамыкIагъохэмкIэ Гупчэм яврачхэм, яфельдшерхэм, ямедсестрахэм, яводительхэм, ядиспетчерхэм, яIофышIэ пстэуми япшъэрылъ дэгъоу зэрагъэцакIэрэм фэшI ямэфэкI мафэ ехъулIэу «тхьашъуегъэпсэу» ятэIо.
Ныбджэгъу лъапIэхэр, псауныгъэ пытэ, щыIэкIэ-псэукIэ дэгъу шъуиIэнэу, IофышIоу ешъухьыжьэрэмэ гъэхъагъэхэр ащышъушIынэу, шъуигупсэхэм ягуфэбагъэ шъущымыкIэнэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожный