УФ-м IофшIэнымкIэ ыкIи цIыфхэр социальнэу къэухъумэгъэнхэмкIэ и Мини­стерствэ пшъэрылъ къафишIыгъэу, УФ-м ПенсиехэмкIэ и Фонд и Къутамэу АР-м щыIэм икъулыкъоу цIыфхэм Iоф адэзышIэрэм илъэси 8 — 17 зыныбжь кIэлэцIыкIухэм, зихэхъогъухэм афатIупщырэ ахъщэ тынхэр зэпымыунхэм пае жъоныгъокIэ мазэм имэфэкIхэм Iоф ашIэщт. ЖъоныгъуакIэм и 1 — 3-м ыкIи и 7 — 10-м пчэдыжьым сыхьатыр 9-м щыублагъэу пчыхьэм сы­хьатыр 6-м нэс къулыкъум ипчъэхэр зэIухыгъэщтых. Джащ фэдэу зищыкIагъэр ЗыкI контактнэ Гупчэм теомэ, иупчIэхэм джэуап­хэр къаратыжьыщтых. Телефоныр : 8.800 600 00 00. Къыпэблэгъэ Гупчэм ите­лефон зэзыгъашIэ зы­шIоигъохэм фондым иинтернет нэкIубгъо ар ра­гъотэщт. Илъэси 8 — 17 зы­ныбжьхэм апае пособиер унагъоу зигъот макIэр ары зытефэрэр. Ны-тыхэр Iоф­шIапIэхэм аIутхэу, ау ахъ­щэу мазэм къаIэкIахьэрэр, нэбгырэ пэпчъ телъытагъэ­мэ, цIыфыр зэрыпсэун ылъэкIыщт анахь ахъщэ макIэу агъэнэфагъэм нэмысырэмэ, мы ахъщэ ты­ныр къатефэ. Мыщ фэ­гъэхьыгъэ къэбарыр Пен­сиехэмкIэ фондым иинтернет нэкIубгъо ит. УФ-м ПенсиехэмкIэ ифонд и Къутамэу АР-м щыIэм ипресс-къулыкъу