Адыгэ Республикэм и Къэралыгъо Совет — Хасэм, Адыгэ Республикэм имуниципальнэ образованиехэм ялIыкIо къулыкъухэм ядепутатхэу лъытэныгъэ зыфэтшIыхэрэр!

Урысые парламентаризмэм и Мафэ фэшI тышъу­фэгушIо!

Джырэ обществэм ищыIэныгъэкIэ парламентым апшъэрэ мэхьанэ иI. Къэралыгъо хабзэм изаконо­дательнэ къулыкъухэм хэгъэгум зэхъокIыныгъэшIухэр фэхъунхэм тегъэпсыхьэгъэ шэпхъэ-правовой акт­хэр аштэх, социальнэ-экономикэ программэхэм япхырыщын епхыгъэ Iофыгъохэм, къэралыгъом иполитикэ щыIэныгъэ, общественнэ хэхъоныгъэ зэрашIыщт шIыкIэм тегущыIэхэ зыхъукIэ анахьэу шIуагъэ къытэу лажьэхэрэм ахэр ащыщых.

Тиреспубликэ ифедэхэр Урысые Федерацием и Федеральнэ ЗэIукIэ къыщызыгъэгъунэрэ сенаторхэм, депутатхэм, Адыгэ Республикэм и Къэралыгъо Совет — Хасэм, муниципальнэ образованиехэм ялIыкIо къулыкъухэм ядепутатхэм республикэмрэ хэ­гъэгумрэ яхэхъоныгъэ яIахьышхо зэрэхашIыхьэрэм фэшI лъэшэу тызэрафэразэр ямэфэкI ехъулIэу къэтэIо.

Ныбджэгъу лъапIэхэр, хэбзэихъухьанымкIэ гъэ­хъэгъакIэхэр шъушIынэу, псауныгъэ пытэ, щыIэкIэ-псэу­кIэ дэгъу шъуиIэнэу, гухэлъышIоу шъуиIэхэр къы­жъудэхъунэу тышъуфэлъаIо!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный