Адыгеир, къэралыгъом инэмыкI шъолъырхэм афэдэу, Донбасс щыпсэурэ цIыфхэм ишIуа­гъэ аригъэкIыным пылъ.

Республикэм тонн 20 фэдиз хъурэ гуманитар IэпыIэгъу джыри щаугъоигъ, ащ икIэщакIор Урысые политическэ партиеу «Единэ Россиер» ары.

«Единэ Россием» ишIуагъэкIэ Донбасс исхэм тонн 20 хъурэ гуманитар IэпыIэгъу джыри афэтыугъоигъ. Партием хэтхэм, шъолъырым иобщественнэ организациехэм ялIыкIохэм, гу-пыкI зиIэ цIыфхэм зэкIэми «тхьа­шъуегъэпсэу» ясэIо, — къытхыгъ Адыгеим и ЛIышъхьэ.

Хабзэ зэрэхъугъэу, цIыфхэм нахь ящыкIэгъэ продукциехэр арых къаугъоигъэхэр. Ахэм ащыщых хьаджыгъэр ыкIи ащ хэшIыкIыгъэхэр, шъоущыгъур, щыгъур, шъоур, тхъур, къуаер, кIэлэцIыкIу гъомылапхъэхэр, щаир ыкIи кофер, IэшIу-IушIухэр, консервхэр ыкIи промышленнэ товар зэфэшъхьафхэр.

Машинэхэм МЧС-м икъулыкъушIэхэр ягъусэхэу къаугъоигъэхэр Ростов хэкум нагъэсыгъэх, нэужым ахэр зытефэхэрэм аIэкIагъэхьащтых. (Тикорр.).