Урысыем волейболымкIэ изэнэкъокъу хэлэжьэрэ хъулъфыгъэ командэхэр Мыекъуапэ щызэIукIагъэх.

Апшъэрэ лигэм ия 2-рэ куп хэт командэхэр мэлылъфэгъум и 21 – 24-м я 10-рэ къекIокIыгъом щызэIукIагъэх.

Мыекъопэ «Динамо-МГТУ-р» апэрэ мафэм «Ростов-Волей» Ростов-на-Дону дешIагъ, 3:1-у текIуагъ, (17:25, 26:24, 35:33, 25:15). Пчъагъэр 35:33-у ящэнэрэ едзыгъор тикомандэ къызэрихьыгъэм къеушыхьаты зэIукIэгъур зыхьыщтыр къэшIэгъуае зэрэхъу­гъагъэр.

«Динамо-МГТУ» «Ставрополь-СГАУ» Ставрополь – 3:0 (25:15, 25:22, 25:22).

Мэлылъфэгъум и 22-м ешIа­гъэх.

«Динамо-МГТУ» — «Рос­тов-Волей» — 3:0 (25:22, 25:21, 25:23).

Мэлылъфэгъум и 23-м зэIукIагъэх.

«Динамо-МГТУ» — «Ставрополь-СГАУ» — 3:0 (25:19, 27:25, 25:20). Мэлылъфэгъум и 24-м зэIукIагъэх.

— 2021 – 2022-рэ илъэс ешIэгъур тыухыгъэ, я 5-рэ чIыпIэр къыдэтхыгъ, — къытиIуагъ Мые­къопэ «Динамо-МГТУ-м» итренер шъхьаIэу, Адыгэ Республикэм изаслуженнэ тренерэу Павел Зборовскэм. — Зэфэхьысыжьхэр тшIыщтых, зичэзыу илъэс зэнэ­къокъум зыфэдгъэхьазырыщт.