Адыгэ Республикэм щыпсэухэрэ чыристанхэу лъытэныгъэ зыфэтшIыхэрэр! ТичIыпIэгъу лъапIэхэр! Христос къызыхъугъэ Мэфэ нэфымкIэ тышъуфэгушIо!

Чыристанхэм ямэфэкI анахь лъапIэу Пасхэр шIум, зэфагъэм, гукIэгъум, шIулъэгъум афэлажьэ. ЦIыфыгъэ шэпхъэ дахэхэм арыгъуазэхэзэ, зэгурыIоныгъэ-зэдеIэжьыныгъэм кIочIэшхо зэриIэр зэхашIыкIызэ, агухэр зэфихыгъэу псэунхэм нахь зыфакъудыинымкIэ ащ ишIуагъэ къэкIо. ЦIыф лъэпкъыбэмэ къахэкIыгъэхэр, дин зэмылIэужыгъохэр зылэжьыхэрэр тиреспубликэ щэпсэух. Якультурэ, яшэн-хабзэхэр къызэраухъумэхэрэм дакIоу, зыхэсхэм якультури, абзи шъхьэкIафэ афашIы, зэгурыIоныгъэ азыфагу илъ. Мы мэфэкI мафэм чыристан диныр зылэжьыхэрэм ыкIи зэкIэ Адыгеим щыпсэухэрэм тафэ­лъаIо псауныгъэ пытэ, щыIэкIэшIу яIэнэу, яунагъохэм мамырныгъэрэ зэгурыIоныгъэрэ арылъынэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет – Хасэм и Тхьаматэу Владимир Нарожный