ЖъоныгъуакIэм и 1-м къыщегъэжьагъэу шъолъыр зэнэкъокъоу «Тызэгъусэу наркотикхэм тапэшIуекIо!» зыфиIорэм хэлажьэ зышIоигъохэм ятхьапэхэр аIахыщтых. Ащ икIэщакIор ыкIи изэхэщакIор АР-м лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет.

Зэнэкъокъум хэлажьэхэрэм такъикъитфым къемыхъурэ явидеотехыгъэхэр жюрим рахьылIэнхэ фае. Наркоманием игумэкIыгъохэр, наркотикыр агъэфедэным лъапсэ фэхъурэр, джащ фэдэу ащ узэрэпэшIуекIон плъэкIыщтхэр IофшIагъэхэм къащагъэлъэгъонхэ фае.

Iофтхьабзэм хэлэжьэнхэ алъэкIыщт ныбжьым ыкIи зыпылъ Iофым емылъытыгъэу Адыгэ Респуб­ликэм щыпсэухэрэр зэкIэ. Зэнэкъокъур онлайн шIыкIэм тетэу рекIокIыщт: заявкэр ыкIи видеофайлхэр электроннэ адресэу otdelsmi0I@yandex.ru «ВидеороликхэмкIэ зэнэкъокъум пай» зыфиIорэм жъугъэхьынхэ фае.

Мэкъуогъум и 15-н нэс IофшIэнхэр аIахыщтых. Наркотикхэр зыгъэфедэхэрэм ыкIи ахэр хэбзэнчъэу къезыгъэкIокIыхэрэм апэуцужьыгъэнхэм и Дунэе мафэ ехъулIэу (мэкъуогъум и 26-м) зэнэкъокъум икIэуххэр зэфахьысыжьыщтых. ТекIоныгъэ къыдэзыхыгъэхэм щытхъу тхылъхэр ыкIи ахъщэ шIухьафтынхэр афагъэшъошэщтых.