Мэлылъфэгъум и 25-м Адыгэ Республикэм и Къэралыгъо быракъ и Мафэ фэгъэхьыгъэ зэхахьэ республикэм и Къэралыгъо филармоние щыкIощт.

Республикэм и Правительствэ, Парламентым, Мыекъуапэ иадминистрацие якъулыкъушIэхэр, республикэ общественнэ движениеу «Адыгэ Хасэр», Адыгеим илъэпкъ общественнэ зэхахьэхэр, шIэныгъэм ыкIи гъэсэныгъэм яIофышIэхэр, ныбжьыкIэхэр, кIэлэеджакIохэр хэлэжьэщтых.

Искусствэм иIэпэIасэхэм мэфэкI концерт къатыщт. Артист цIэрыIохэр къэшъощтых, орэд къаIощт.

Къэбэртэе-Бэлъкъарым, Къэрэщэе-Щэрджэсым, Краснодар краим, тилъэпкъэгъухэр зыщыпсэухэрэ шъолъырхэм мэфэкI зэхахьэхэр ащыкIощтых. Жъогъо 12-р къызыхэлыдыкIырэ адыгэ быракъыр ащагъэбыбэтэщт.

Мыекъуапэ щызэхащэрэ зэхахьэр пчыхьэм сыхьатыр 6-м рагъэжьэщт. Шъукъеблагъэх мэфэкIым.