Адыгэ Республикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ Донецкэ ыкIи Луганскэ народнэ республикэхэр къэзыбгынагъэхэу, непэ охътэ гъэнэфагъэкIэ Адыгеим щыпсэухэрэм апае шIушIэ Iофтхьабзэ зэхищагъ.

ГупыкI зиIэхэм къаугъоигъэ ахъщэр чIыпIэ къин ифэгъэ цIыфхэм нахь ящыкIэгъэ гъомылапхъэхэм, нэмыкIхэм ящэфын пэIуагъэ­хьагъ. НэкIмэзэ мазэм шIушIэ Iофтхьабзэр зэрэзэхащагъэм мэхьанэшхо иI.

— Мыщ къыхэлэжьагъэхэм яшIуагъэкIэ цIыфхэм IэпыIэгъу тафэхъун тлъэкIыгъ. Тхьэм тапэкIи ащ фэдэ амал зэкIэхэми къы­титынэу, нэбгырэ пэпчъ ишIушIагъэ ыгъэ­бэгъонэу тэлъаIо,— къыщеIо Адыгэ Рес­публикэм ыкIи Пшызэ шъолъыр ащыпсэурэ быслъымэнхэм я ДиндэлэжьапIэ итхыгъэ.