Адыгэ Республикэм имуниципальнэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

ЧIыпIэ зыгъэIорышIэжьыным и Мафэ фэшI тышъуфэгушIо!

ЦIыфхэр псэунхэмкIэ ыкIи Iоф ашIэнымкIэ анахь мэхьанэшхо зиIэ Iофыгъо­хэм язэшIохын епхыгъэу щыт Iофэу шъузфэгъэзагъэр. ЧIыпIэхэм ясоциальнэ-экономикэ хэхъоныгъэ бэкIэ ялъытыгъ муниципальнэ къулыкъушIэхэм яIэпэIэсэныгъэрэ ячаныгъэрэ.

Республикэм ихэбзэ къулыкъухэм анахьэу анаIэ зытырагъэтырэр муниципальнэ образованиехэм амалэу яIэхэр икъоу гъэфедэгъэнхэр, цIыфхэр зыгъэгумэкIырэ Iофыгъохэр зэшIохыгъэнхэмкIэ IэпыIэгъу афэхъугъэныр ары.

Шъуисэнэхьат епхыгъэ мэфэкIымкIэ тышъуфэлъаIо псауныгъэ пытэ шъуиIэнэу, шъуигухэлъ дахэхэр къыжъудэхъун­хэу, IофшIэнымкIэ гъэхъэгъакIэхэр шъушIынхэу!

Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат

Адыгэ Республикэм и Къэралыгъо Совет — Хасэм и Тхьаматэу Владимир Нарожный