Мэлылъфэгъум и 10-м къыщегъэжьагъэу и 16-м нэс экономикэмкIэ кIэлэеджакIохэм я Урысые олимпиадэ Москва щыкIуагъ.

Хабзэ зэрэхъугъэу, мы Iоф­тхьабзэр илъэс къэс зэхащэ, я 4 — 11-рэ классхэм арысхэр хэлажьэх.

Мы илъэсыр пштэмэ, Урысыем ишъолъыр 59-мэ къарыкIыгъэ кIэлэеджэкIо 340-мэ олимпиадэм иаужырэ едзыгъо зыщаушэтыгъ.

Я 11-рэ классхэмкIэ текIоныгъэр къыдихыгъ Мыекъуапэ илицееу N 8-м щеджэрэ Андрей Гогуадзе. Ащ апэрэ чIыпIэр дигощыгъ Москва щыщ Иван Сударевым. Зэфэхьысыжьхэм къызэрагъэлъэгъуагъэмкIэ, тIуми балл 84-рэ зырыз къырахыгъ.

Олимпиадэм илъэныкъо шъхьа­Iэ диштэу (экономикэм) текIоныгъэр ыкIи хагъэунэфыкIырэ чIыпIэхэр къыдэзыхыгъэ­хэм ежьхэм къыхахырэ апшъэрэ еджапIэм ушэтынхэр амыкIухэу чIэхьанхэ алъэкIыщт.

Адыгеим щыщ Андрей Гогуадзе текIоныгъэр къызэрэдихыгъэм фэшI тыфэгушIо, тапэкIи гъэхъэгъэшIухэр ышIынхэу, лъэ­гэпIэ инхэм анэсынэу фэтэIо. (Тикорр.).