Гъогу хъугъэ-шIагъэхэм ахэкIодэгъэ кIэлэцIыкIухэм яшIэжь агъэлъапIэу зэхэщэгъэ шIушIэ фондэу Наташа Едыкинам ыцIэ зыхьырэм сурэтшIыным фэщагъэхэм апае я 5-рэ Урысые зэнэкъокъоу «Россияне с рождения за безопасность движения» зыфиIорэр зэхещэ.

Iофтхьабзэр унагъом и Дунэе мафэ ыкIи гъогурыкIоныр щынэгъончъэнымкIэ пропагандэм икъулыкъу зызэхащагъэм и Мафэ фагъэхьы.

Зэнэкъокъум мурадэу иIэр художественнэ-эстетическэ шIэныгъэу ыкIи IэпэIэсэныгъэу кIэлэцIыкIухэм ахэлъыр къызфагъэфедэзэ, гъогу хъугъэ-шIа­гъэхэм ащыухъумэнхэм къыфэщэгъэнхэр ары.

Джащ фэдэу мы IофтхьабзэмкIэ зэхэщакIохэм пшъэрылъэу яIэр гъогурыкIоныр щынэгъончъэу щытынымкIэ ыкIи гъогум Iэдэб къыщызхагъэфэнымкIэ гъэсэныгъэ учреждениехэм яIофшIэн агъэлъэшыныр, гъогум узэрэщызекIон фэе шапхъэу щыIэхэм кIэлэцIыкIухэр ыкIи ныхэр икъоу ащыгъэгъозэгъэнхэр, псауныгъэм зэрар езыхырэ шIыкIэ- хэр щыгъэзыегъэнхэм фэшI пэшIоры­гъэшъ Iофтхьабзэхэр зехьэгъэнхэр ары.

Зэнэкъокъур проектэу «Со светофорной наукой по добрым дорогам детства» зыфиIорэм хахьэу зэхащэ. Ащ илъэси 3-м къыщегъэжьагъэу илъэс 14-м нэс зыныбжь кIэлэцIыкIухэр хэлэжьэнхэ алъэкIыщт.

Материалхэр электроннэ адресэу konkurs @fond-edykina.ru жъугъэхьынхэ фае.