Мэлылъфэгъум и 19-м пчэдыжьым сыхьатыр 4-м Мыекъуапэ автомобилым машIом зыкъыщиштагъэу мэшIогъэкIосэ къулыкъум макъэ къырагъэIугъ.

МэшIошхохэм ягъэкIосэн тегъэпсыхьэгъэ мэшIогъэкIосэ къулыкъум иIофышIэхэр такъикъ заулэкIэ чIыпIэм нэсыгъэх.

А уахътэм машIом зыкъыштэгъахэу щытыгъ, квадратнэ метри 10 ыубытыгъэр.

Мы хъугъэ-шIагъэм зи хэкIодагъэп, зыми шъобжхэр тещагъэхэ хъугъэп, къызыхэкIыгъэр хэушъхьафыкIыгъэ къулыкъухэм агъэу­нэфы.

ЗэкIэмкIи мэшIогъэкIосэным техники 2 ыкIи къулыкъушIэ нэбгыри 7 хэлэжьагъ, къеты ошIэ-дэмышIэ IофхэмкIэ Адыгеим икъулыкъу ыкIи пстэуми агу къегъэкIыжьы: автомобилым къыкIэнагъэу шыхьаты шъухъугъэмэ, е шъо шъуиавтомобиль машIом зыкъыщиштагъэмэ, елбэтэу мэшIогъэкIосэ-къэгъэнэжьын къулыкъум номерэу «01» е «101» зыфиIохэрэмкIэ шъуфытеу.