Росгвардием и ГъэIорышIапIэ къэралыгъо уплъэкIунымкIэ иотделениеу Адыгэ Республикэм щыIэм иIофышIэхэм гъэстыныпхъэ-энергетическэ комп­лекс­хэу (ТЭК) тишъолъыр итхэр ауплъэкIух.

Ащ фэдэ псэуалъэу тиIэр 17 мэхъу, уплъэкIунхэр гъэ къэс зэхащэх.

Адыгэ Республикэм экономическэ хэхъоныгъэмрэ сатыумрэкIэ и Министерствэ ­къызэрэщаIуагъэмкIэ, мы илъэ­сым ахэм ащыщэу комплек­ситфыр ары ауплъэкIущтыр, щынэгъончъэным ылъэныкъокIэ 2-р — ятIонэрэ, 3-р — ящэнэрэ категориехэм ахэхьэх.

Терроризмэм пэуцужьыгъэным псэуалъэхэр тегъэпсы­хьагъэхэмэ зэрагъашIэ, мэкъэгъэIухэр ахэтымэ, сурэт тезы­хырэ аппаратхэм Iоф ашIэмэ, нэмыкI лъэныкъохэри ауплъэ­кIух. Полицием къэралыгъо уплъэкIунхэмкIэ иотделение ипащэу, подполковникэу Александр Щербашиным къызэри­IуагъэмкIэ, хэбзэгъэуцугъэу щы­Iэхэм къызэрэдалъытэу, ахэм пшъэрылъ шъхьаIэу яIэр ТЭК-хэмрэ ахэм къапэблэгъэ чIыгухэмрэ щынэгъончъэнхэр ары. (Тикорр.).