2021 — 2022-рэ илъэс зэнэкъокъур апшъэрэ купым хэт командэхэм шIэхэу аухыщт. Клуб пэпчъ зэIукIэгъуи 5 къыфэнагъ.

ЕшIэгъухэр

Я 25-рэ зэIукIэгъухэм якIэуххэр зэфэтэхьысыжьых.

«Динамо» — «Ахмат» — 2:0, «Уфа» — ЦСКА — 1:1, «Зенит» — «Урал» — 3:1, «Спартак» — «Рубин» — 1:1, «Арсенал» — «Ростов» — 1:2, «Шъачэ» — «Локомотив» — 2:2, «Крылья Советов» — Краснодар — 2:0, «Нижний Новгород» — «Химки» — 0:0.

Футболыр зыгу рихьыхэу ешIэгъухэм яплъыхэрэм япчъагъэ хэ­хъо. Стадионхэр зэтегъэпсыхьагъэх. «Зенит» ыкIи «Урал» язэде­шIэгъу нэбгырэ мин 36-м нахьыбэ еплъыгъ. «Крылья Советов» Самара «Краснодар» зыIокIэм, нэбгырэ мин 21-м нахьыбэ къалэм истадион къэкIуагъ.

— Командэхэр ешIэкIэ дэгъу къагъэлъэгъоным пылъых, — къы­Iуагъ «Зенит» итренер шъхьаIэу Сергей Семак.

«Рубин» Москва зыщешIэм, пчъагъэр 1:0-у къыхьызэ, «Спартак» иешIакIоу А. Соболевым хъагъэм Iэгуаор ридзи, зэIукIэ­гъур 1:1-у аухыгъ. «Локомотив» Шъачэ щешIагъ. Тренер шъхьаIэу Хьапэ Заур къыIуагъ зичэзыу зэIукIэгъу­хэм командэр нахь дэгъоу зэращешIэщтыр. «Локомотив» 2:1-у къыхьызэ, «Шъа­­чэ» иешIэкIо цIэ­рыIоу К. Нобоа къэлап­чъэм Iэ­гуаор дидзагъ — 2:2.

«Краснодар» зыпкъ итэу ешIэным фэхьазырыгоп. НыбжьыкIэхэм яIэпэIэсэныгъэ зэрэха­гъэхъощт шIыкIэхэм тренерхэр алъэхъух.

Ауж къинэрэ клубхэм ащыщэу апшъэрэ купым хагъэкIыщтыр джыри къэшIэгъуае. «Химки», «Ру­бин», «Нижний Новгород», нэмыкIхэри щынэгъо чIыпIэхэр къызэранэкIынхэм фэбанэх. Ауж къинэрэ командэхэр зэрэзэде­шIэщтхэм елъытыгъэр бэ — апшъэ­рэ купым къыхэнэнхэм фэшI. ЗэкIэ командэхэм гугъэ яI. Медальхэм команди 4 – 5 афэбанэ.

ЧIыпIэхэр

1. «Зенит» — 55 2. «Динамо» — 52 3. ЦСКА – 44 4. «Шъачэ» — 43 5. «Краснодар» — 39 6. «Локомотив» — 38 7. «Крылья Советов» — 38 8. «Ахмат» — 32 9. «Ростов» — 31 10. «Спартак» — 31 11. «Н. Новгород» — 28 12. «Рубин» — 26 13. «Химки» — 25 14. «Уфа» — 22 15. «Урал» — 21 16. «Арсенал» — 21 Я 26-рэ зэIукIэгъухэр 23.04 «Урал» — «Уфа» «Локомотив» — «Н. Новгород» «Шъачэ» — «Ахмат» 24.04 «Химки» — «Кр. Советов» «Рубин» — «Арсенал» «Ростов» — «Спартак» ЦСКА — «Динамо» 25.04 «Краснодар» — «Зенит».