ЦIыфхэр зыгъэпсэфакIо зыдакIощтыгъэхэ къэралыгъохэм ягъунапкъэхэр зэрэзэфашIыгъэхэм къыхэкIэу ахэм ащы­щыбэхэм Урысыем и Къыблэ зыкъызэрагъэзагъэр ре­нэу къэтэтхы. Ащ ишIуагъэкIэ хэгъэгу кIоцI зекIоным хэ­хъоныгъэхэр ешIых.Адыгеир хьакIэхэм яжэ, зэряхабзэу, ахэм якъэкIон жъоныгъокIэ мэфэкI­хэм атырагъафэ. Зыгъэ­псэфа­кIоу къытфакIохэрэр нахьыбэ зэрэхъущтхэр Адыгеим и ЛIышъхьэу КъумпIыл Мурат и Телеграм-канал щыхигъэунэфыкIыгъ.

— Республикэм итур­операторхэм тэри тыря­гъусэу Адыгеим ичIыпIэ хьалэмэтхэр цIыфыбэхэм зэрядгъэшIэщтым ыкIи зэрядгъэлъэгъущтым тыпылъыщт, — къытхыгъ республикэм ипащэ.

Ащ пае зекIон хъызмэтым епхыгъэу Iоф зышIэрэ организациехэм субсидиехэр аратыщтых.

«Адыгэ Республикэм зекIоным зыщегъэушъомбгъугъэным пае субсидие­хэр зэрэтищыкIагъэхэр зэрыт тхылъэу Ростуриз­мэм дгъэхьыгъэм къыдырагъэштэным тыщэгугъы», — къыт­хыгъ АР-м и ЛIышъхьэ.