Санаториехэр, кэшбэкыр
Зыныбжь хэкIотагъэхэу, ау къэкIухьан-зыплъыхьаныр зикIасэхэм зызщагъэпсэфыщт чIыпIэхэр къыхахых. Къэралыгъо гъунапкъэхэр зэпычыгъуае зэрэхъугъэм къыхэкIэу ахэм санаториехэр нахь Iэрыфэгъоу алъытэ.
Урысые Федерацием зекIонымрэ псауныгъэмрэкIэ и Ассоциацие ипащэу Михаил Даниловым гъэтхапэм къыщегъэжьагъэу санаториехэм защызгъэпсэфырэ цIыфхэм япчъагъэ къыхэхъонэу зэрэригъэжьагъэр къыIуагъ.
Ахэр санаториехэм анахьэу тезыгъэгушIухьэхэрэм ащыщ кэшбэкыр агъэфедэн зэралъэкIырэр. Ащ ишIуагъэкIэ уасэу атыгъэм ипроцент 20 афызэкIагъэкIожьы. Путевкэхэм ауасэ проценти 10 — 15 къыхэхъуагъ. Шхыныгъохэр нахь къызэрэлъэпIагъэхэм къыхэкIэу путевкэхэм ауасэ джыри джащ фэдиз къыхэхъон зэрилъэкIыщтыр М. Даниловым къыIуагъ.