Адыгэ Республикэм и Къэралыгъо Совет — Хасэм ия 9-рэ зэхэсыгъо 2022-рэ илъэсым мэлылъфэгъум и 21-м щыIэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: законопроектхэу «Адыгэ Респуб­ликэм изаконхэу «Бжьэхъуным ехьы­лIагъ», «Зэпахырэ узхэм защыухъумэгъэнымкIэ амалэу Адыгэ Республикэм щызэрахьэхэрэм ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэм» ятIонэрэу ахэплъэгъэныр; законопроектхэу «Адыгэ Рес­публикэм изаконхэу «Адыгэ Респуб­ликэм икъэралыгъо граждан къулыкъушIэ Адыгэ Республикэм икъэралыгъо граждан къулыкъу икласснэ IэнатIэхэр къызэрэфагъэшъошэрэ шIыкIэм ехьылIагъ», «Мэкъумэщ мэхьанэ зиIэ чIыгухэр нахь гъэбэжъулъэ шIыгъэнхэм къэралыгъом гъунэ зэрэлъифырэм ехьылIагъ», «Лъэпкъ художественнэ Iэ­шIагъэхэм яхьылIагъ», «Адыгэ Респуб­ликэм исхэмрэ ичIыпIэрэ чIыопс, техно­геннэ нэшанэ зиIэ ошIэ-дэмышIэ Iоф­хэм ащыухъумэгъэнхэм ехьылIагъ», «ГъогурыкIонымкIэ Iофыгъо заулэ Адыгэ Рес­публикэм щызэшIохыгъэным ехьылIагъ», «ЧIыпIэ мэхьанэ зиIэ Iофыгъохэм язэшIохын къоджэ псэупIэхэр фэгъэзэгъэн­хэм ехьылIагъ» зыфиIохэрэм зэхъо­кIыныгъэхэр афэшIыгъэнхэм афэгъэхьыгъэхэм» апэрэу ахэплъэгъэныр ыкIи нэмыкI Iофыгъохэр.

Адыгэ Республикэм и Къэралыгъо Совет — Хасэм изэхэсыгъо Жуковскэм иурам тет унэу N 22-м хэт залышхом сыхьатыр 10.00-м щырагъэжьэщт.

Адыгэ Республикэм и Къэралыгъо Совет — Хасэм и Тхьаматэу Владимир Нарожный