Зы мафэкIэ къафагъэцакIэ
Росреестрэм Адыгэ РеспубликэмкIэ и ГъэIорышIапIэ проектэу «Электрон ипотекэр зы мафэкIэ» зыфиIорэм хэлажьэ.
Электрон документхэр зарахьылIэрэ нэуж зы мафэкIэ ипотекэр агъэпсынэу ащ амал арегъэгъоты. МФЦ-м иофисхэм а фэIо-фашIэр мэфи 7-кIэ къафагъэцакIэ. Мы проектым къыдыхэлъытагъэу амыгъэкощырэ мылъкум ищэнкIэ е ищэфынкIэ зэзэгъыныгъэу зэдашIыхэрэри регистрацие ашIын алъэкIыщт.
Ипотекэ чIыфэ къаIызыхы зышIоигъом къэралыгъо регистрациемкIэ документхэр МФЦ-м иофисхэм аримыхьылIэу чIыфэт организацием зыфигъазэмэ хъущт. Банкхэм яIофышIэхэм ищыкIэгъэ электрон документхэр фитыныгъэхэр регистрацие зышIырэ къулыкъум фагъэхьыщтых, къыкIэлъыкIорэ мафэм нахь мыгужъоу амыгъэкощырэ мылъкумкIэ къэралыгъо реестрэ зыкIым къыхэтхыкIыгъэр къаIэкIагъэхьажьыщт.
«Электрон шIыкIэкIэ фэIо-фашIэхэр нахь псынкIэу ыкIи нахь щынэгъончъэу афагъэцакIэх. МФЦ-м иофисхэм документхэр ашъхьэкIэ арахьылIэнэу ищыкIэгъэжьэп. Проектым ишIуагъэкIэ мы аужырэ уахътэм ипотекэмкIэ лъэIу тхылъэу электрон шIыкIэкIэ къаIэкIагъахьэрэр нахьыбэ хъугъэ. ГущыIэм пае, гъэIорышIапIэм испециалистхэм щылэ мазэм Iоф зыдашIэгъэгъэ тхылъхэм япроцент 70-р, гъэтхапэм зыдэлэжьагъэхэм япроцент 82-р ахэм афэдагъэх», — къыIуагъ гъэIорышIапIэм ипащэу Марина Никифоровам.