ЯIоф хьыкумым ыIуагъэу зэрэщымытыр къэзыушыхьатырэ тхылъыр Адыгэ Республикэм и МВД къэбарлъыгъэIэс гупчэ къащараты.

АшъхьэкIэ мы гупчэм зыфэзыгъазэхэрэм мэфэ 30-м къыкIоцI къэралыгъо фэIо-фашIэр къафагъэцакIэ. Къэралыгъо фэIо-фашIэхэм япортал зыкIымкIэ лъэIу тхылъыр аIэкIэзыгъахьэхэрэм фэдищкIэ нахь псынкIэу, мэфи 10-кIэ тхылъыр къафагъэхьазыры.

Къэралыгъо, муниципальнэ фэIо-фашIэхэр электрон амалкIэ къафагъэцэкIэнхэр зыкIэнахь федэр:

— фэIо-фашIэр нахь псынкIэу зэрафызэхащэрэр;

— чэщкIи мафэкIи гуп­чэм зыфагъэзэн зэралъэ­кIыщтыр;

— ежьхэмкIэ нахь Iэ­ры­фэгъоу щыт чIыпIэм фэIо-фашIэр къазэращыфагъэцакIэрэр;

— чэзыу зэрэщымыIэр;

— къолъхьэ тын-Iыхыныр нахь къызэрэригъэ­Iыхырэр;

— фэIо-фашIэр зэра­гъэцэкIагъэм ымыгъэра­зэхэрэм тхьаусыхэнхэу амал зэряIэр;

— чэщи мафи имыIэу IэпыIэгъу къафэхъурэ къу­лыкъум Iоф зэришIэрэр ары.

ШъунаIэ тешъотэгъадзэ Адыгэ Республикэм и МВД иподразделение къэра­лыгъо фэIо-фашIэхэр зыгъэцакIэрэм шъузыкIокIэ зы­зэраухъумэрэ пкъыгъо­хэр жъугъэфедэнхэ, социальнэ дистанциер къыдэшъулъытэн зэрэфаем.

Адыгэ Республикэм и МВД ипресс-къулыкъу