Гъэстыныпхъэ шхъуантIэр аIэкIэгъэхьэгъэным пае
УФ-м и Президентэу Владимир Путиныр чIыдэгъэгаз хъызмэтым иIофыгъохэм зыщатегущыIэгъэхэ зэхэсыгъом псалъэ къыщишIызэ, Урысыем ишъолъырхэм зэкIэми гъэстыныпхъэ шхъуантIэр аIэкIэгъэхьэгъэным фытегъэпсыхьэгъэ программэм зегъэушъомбгъугъэным мэхьанэшхо зэриIэр хигъэунэфыкIыгъ.
Къэралыгъом ипащэ къызэриIуагъэмкIэ, 2050-рэ илъэсым нэс телъытэгъэ къэралыгъо энергетическэ стратегием илъэныкъо шъхьаIэхэм мыр ащыщ ыкIи илъэсэу тызхэтым Iоныгъом и 15-м нэс аштэн фае.
— Урысыем ишъолъырхэм гъэстыныпхъэ шхъуантIэр аIэкIэгъэхьэгъэным ипрограммэ зедгъэушъомбгъун фае. Ар гъэцэкIагъэ зэрэхъурэм екIолIакIэхэр къыфэдгъотыным ыкIи субъектэу, псэупIэу, унэу къыхиубытэхэрэм япчъагъэ нахьыбэ тшIыным мэхьанэшхо иI. Пшъэрылъэу щытыр зэкIэми къыдгурэIо, газыр зэпщэлIэн плъэкIыщт чIыпIэхэм зэкIэми ар алъыIэсын фае, — къыIуагъ Владимир Путиным.