«Динамо-МГТУ» Мыекъуапэ — «БАРС-РГЭУ» Ростов-на-Дону — 82:72 (19:21, 20:15, 25:19, 18:17). Мэлылъфэгъум и 13-м Мыекъуапэ щешIагъэх.

«Динамо-МГТУ»: Чичайкин — 11, Суслов, Александров — 4, Гапошин — 22, Чаленко, Милютин — 9, Каренин — 6, Сизов — 20, Кочнев — 10. «БАРС-РГЭУ-м» къыхэщы­гъэхэр: Прокин — 22, Маринин — 17.

Артем Гапошиныр тиешIакIохэм къахэдгъэщы тшIоигъу. Хъагъэм Iэгуаор ридзэнымкIэ щысэшIу къы­­гъэлъэгъуагъ.

— Илья Александровым, Владимир Чичайкиным, Павел Си­зовым, Александр Милютиным, Юрий Кочневым, зэкIэми са­фэраз, — къытиIуагъ «Динамо-­МГТУ-м» итренер шъхьаIэу, Адыгэ Республикэм изаслуженнэ тренерэу Андрей Синельниковым.

Я 5-рэ чIыпIэм икъыдэхын фэ­гъэхьыгъэ зэIукIэгъуищ тикомандэ иIагъ. Пчъагъэр 2:1-у «БАРС-РГЭУ-м» текIуагъ. 2021 — 2022-рэ илъэс зэнэкъокъур «Динамо-МГТУ-м» ыхьыгъ. Финалныкъом «Русичи» Курск 2:0-у «Тамбов» Тамбов хэкум щы­текIуагъ. «Металлург» Магнитогорск 95:82-у ыкIи 84:78-у «Че­боксарские Ястребы» те­кIуагъ.

Суперлигэм иятIонэрэ куп апэрэ чIыпIэр къыщыдэхыгъэным «Русичи» ыкIи «Металлург» фэ­бэнэщтых. Ящэнэрэ чIыпIэм фэ­гъэхьыгъэ зэIукIэгъум «Тамбов» ыкIи «Чебоксарские Ястребы» щызэнэкъокъущтых.

ШъуилъэIухэр дгъэцэкIэщтых

Спортыр зыгу рихьыхэрэм ялъэIухэр къыдэтлъытэхэзэ, «Динамо-МГТУ-м» итренер шъхьаIэу Андрей Синельниковым гущыIэгъу тыфэхъущт. Гъэзетеджэ­хэм яупчIэхэр тренер шъхьаIэм еттыщтых. «Динамо-МГТУ-м» иIофыгъохэм, инеущрэ мафэ зэрилъэгъурэм, нэмыкIхэм татегущыIэщт.

Мыщ фэдэ телефонхэмкIэ редакцием шъукъытеомэ хъущт: 52-51-84, 8-928-472-85-88; 8-918-330-30-63.

Мэлылъфэгъум и 25-м нэс шъуиупчIэхэм тыкъяжэщт.