Полицием зэхищэгъэ пэшIорыгъэшъ Iофтхьабзэу «Розыск» зыфиIорэм зэфэхьысыжьхэр фашIыгъэх. Ар республикэм имуниципалитетхэм зэкIэми ащыкIуагъ ыкIи кIэух дэ­гъу­хэр фэхъугъэх.

ГущыIэм пае, Мыекъуа­пэ иполицейскэхэм ра­гъэ­кIокIыгъэ лъыхъон Iоф­тхьабзэхэм яшIуагъэкIэ бэшIагъэу зылъыхъущтыгъэхэ хъулъфыгъэр къаубытыгъ. Ар Мыекъопэ районым щыщ, ыпэкIэ пчъагъэрэ хьапсым дэ­сыгъ. Наркотикхэм япхыгъэу бзэджэшIагъэ зэрэзэрихьагъэмкIэ агъэмысэ.

Джащ фэдэу Тэхъутэмыкъое районым иоперативникхэм Урысыем ишъо­лъыр горэм щыщ илъэс 23-рэ зыныбжь кIэлакIэр къаубытыгъ. Ар феде­ральнэ розыскым щыIагъ, гъэп­цIагъэ зыхэлъ бзэджэшIагъэ зэрихьагъэу егуцафэх.

Мы пэшIорыгъэшъ Iоф­тхьабзэм къыдыхэлъыта­гъэу зыдэхъугъэхэр амы­шIэу кIодыгъэ цIыфхэри хэбзэухъумакIохэм къагъо­тыжьыгъэх.