КIэлэеджакIохэм адэгущыIагъэх
«Урысыем икIэлэцIыкIухэр» зыфиIорэ Iофтхьабзэм къыдыхэлъытагъэу Мыекъуапэ Iоф щызышIэрэ хэбзэухъумакIохэу Игорь Бутенкэмрэ Карина Лоскутовамрэ станицэу Ханскэм дэт еджапIэм щыIагъэх, кIэлэеджакIохэм гущыIэгъу афэхъугъэх.
НыбжьыкIэхэм бзэджэшIагъэхэр зэрамыхьанхэм, къыткIэхъухьэрэ лIэужхэр наркотикхэм ащыухъумэгъэнхэм афэшI анахьэу анаIэ зытырагъэтырэ лъэныкъохэм полицейскэхэр къатегущыIагъэх. КIэлэеджакIохэм яупчIэхэм джэуапхэр къаратыжьыгъэх.