Адыгэ быракъым и Мафэ мэлылъфэгъум и 25-м республикэм щыхагъэунэфыкIыщт.

Республикэ общественнэ движениеу «Адыгэ Хасэм» игъэцэ­кIэкIо куп изэхэсыгъо зэхэщэн Iофыгъохэр зэрэлъыкIуатэхэрэм щытегущыIагъэх. Адыгэ Хасэм итхьаматэу ЛIымыщэкъо Рэмэзан къыIуагъ хабзэм икъулыкъушIэ­хэмрэ Адыгэ Хасэмрэ зэгъусэхэу мэфэкIым ехьылIэгъэ Iофыгъохэр зэрагъэцакIэхэрэр.

СтIашъу Юр, МэщфэшIу Нэдж­дэт, Тэу Аслъан, ЦIыкIушъо Ас­лъан, ГъукIэлI Сусан, Къуижъ Къэплъан, нэмыкIхэри къэгущыIагъэх, яеплъыкIэхэр зэфахьысы­жьыгъэх.

МэфэкIым изэхэщэкIо куп изэ­хэсыгъо Адыгэ Республикэм лъэпкъ IофхэмкIэ, IэкIыб къэрал­хэм ащыпсэурэ тилъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет щыкIощт. Уахътэм диштэу мэфэкIыр зэрагъэпсыщт шIыкIэм зэхахьэм щытегущыIэщтых, унэшъо хэхыгъэхэр щаштэщтых.

Адыгэ Республикэм ирайон гупчэхэм, къуаджэхэм, псэупIэхэм адыгэ быракъым и Мафэ зэращыкIощтым, нэмыкI къэбархэм яхьылIэгъэ тхыгъэхэр къыхэтыутыщтых.