ЖъоныгъокIэ мэфэкIхэр къэблагъэх. Ащ фэшI мэфипшIыр зыгъэ­псэ­фыгъо шIыгъэнхэу УФ-м и Къэралыгъо Думэ идепутатхэм ащыщ предложение блэкIыгъэ тхьамафэм къыхьыгъ. Нахьыбэхэм ащ дыра­гъэштагъэп.

Арэу щытми, Адыгеим щы­псэухэрэм а мафэхэм, зэкI пIоми хъунэу, загъэпсэфынэу мэхъу. Быслъымэнхэмрэ чыристан диным пылъхэмрэ ямэфэкIхэр а уахътэм зэрэте­фэ­хэрэр ары ащ ушъхьагъу фэ­хъугъэр. ЖъоныгъуакIэм и 2-р Бирам мэфэкI, и 3-м Радоницэр хагъэунэфыкIыщт.

Мэлылъфэгъум и 30-р шэмбэтэу тефэшъ, ар, Iо хэмылъэу, дэсыгъо мэхъу. ЖъоныгъуакIэм и 1-р — гъатхэм ыкIи IофшIэным я Маф, ау ар тхьаумафэм зэрэтефагъэм фэшI и 2-м агъэ­кIотэнышъ, ар дэсыгъо ашIын фаеу хъугъэ.

ЖъоныгъуакIэм и 3-р гъубдж, ау мы илъэсым иапэрэ мафэ, щылэ мазэм и 1-р, шэмбэтым зэрэтефэгъагъэм къыхэкIэу, ащ къахьыжьышъ, ар дэсыгъо мэхъу. КъызэрэтIуагъэу, и 2-р зы­гъэпсэфыгъощт. Ащ фэшI жъоныгъуакIэм и 4-м, бэрэскэ­жъыем, ар къахьыжьы, жъоныгъуакIэм и 3-у Радоницэр зытефагъэри и 5-м «къэкощы­жьышъ» ахэр дэсыгъо мэхъух.

ЖъоныгъуакIэм и 6-р IофшIэгъу мэфэщт. И 7-р шэмбэт, и 8-р тхьаумаф, ары ахэр дэ­сыгъонхэм ушъхьагъоу иIэр. Щылэ мазэм и 2-у тхьаумафэм тефагъэр жъоныгъуакIэм и 10-м «къызэрагъэкощыгъэм» къыхэкIэу а мафэри зыгъэпсэфыгъощт, и 11-м зэкIэми Iоф­шIэным пытыдзэжьыщт.