Уасэхэм якъызэтеIэжэнкIэ Iофтхьэбзэ гъэнэфагъэу республикэм щызэ­ра­хьэхэрэмкIэ анахь шъхьаIэу щытмэ ащыщ ермэлыкъхэм язэхэщэн. Ахэм шIогъэшхо къызэратырэр щыIэныгъэм къыгъэлъэгъуагъ.

Бэдзэр уасэхэм анахьи нахь пыутэу цIыфхэм гъомылапхъэхэр зэрагъэгъотых. Уасэхэр къаIэты зэрэмыхъущтыр предпринима­тельхэм агурагъаIо.

Республикэм ипащэ пшъэрылъ къыгъэуцугъ муниципалитет пэпчъ ермэлыкъхэр цIыфхэм ащафызэхащэнхэу, уасэхэр къамыIэтыным гъунэ лъафынэу.

Джы ермэлыкъхэр шэмбэтым ыкIи тхьаумафэм рагъэкIокIых. ЩэпIэ сатырхэм лым, щэм, хьа­джы­гъэм ахэшIыкIыгъэ гъомылапхъэхэр, хэтэрыкIхэр, пхъэшъхьэ­мышъхьэхэр, нэмыкIхэри ателъых.

Мыекъуапэ пчэдыжьым сы­хьатыр 7-м къыщегъэжьагъэу мафэм сыхьатыр 2-м нэс ермэлыкъхэр щызэхащэх. Ахэм цIыфыбэ къяуалIэ.