УФ-м и Президентэу Владимир Путиным сабый зэрыс унагъоу IофшIэпIэ чIыпIэр чIэзынагъэхэм, бизнес цIыкIум ыкIи гурытым ащылажьэхэрэм къэралыгъом IэпыIэгъоу аритыщтым фэгъэхьыгъэ зэхъокIыныгъэу хэбзэгъэуцугъэхэм афашIыщтхэр къагъэхьазырынхэу Правительствэм пшъэрылъ фишIыгъ.

Пенсиехэр, дзэкIолIхэм ыкIи ахэм арагъапшэхэрэм афагъэу­цугъэхэри ахэтхэу, социальнэ ахъщэ тынхэр, къэра­лыгъо ыкIи муниципальнэ учреждениехэм Iоф ащызы­шIэ­хэрэм ялэжьапкIэхэр индек­сацие шIыгъэнхэм фэгъэхьыгъэхэр мэлылъфэгъум и 20-р къэмысызэ хьазырынхэ фае. Ахэм ямызакъоу, цIыфыр зэрыпсэун ылъэкIыщт ахъщэ анахь макIэмрэ лэжьэпкIэ анахь макIэу агъэнэфагъэмрэ къаIэтынхэу гухэлъ яI. Уна­гъоу IэпыIэгъу зищыкIагъэхэр зэрагъэнафэрэ шапхъэхэми министрэхэм я Кабинет зэхъокIыныгъэхэр афишIыщтых.

Владимир Путиным предприятиехэм къэралыгъом IэпыIэгъоу аритырэр, Iофхэм язытет къыдалъытэзэ, агъэ­кIэжьынэу унашъо афишIыгъ. Инфраструктурэр зыгъэ­псы­хэрэм,

Урысыем къыщашIырэ товархэр къэзыщэфыхэрэм, фэIо-фашIэхэр, цIыфхэр зезыщэрэ транспортхэри ахэт­хэу, зыгъэфедэхэрэм 2022 — 2024-рэ илъэсхэм ахъщэ тедзэу афатIупщыщтым фэ­гъэ­хьыгъэ предложениехэр мэ­лылъфэгъум и 25-м нэс къагъэхьазырынхэу Президентым афигъэпытагъ. Джащ фэдэу шъолъырхэм ябюджетхэм алъы­плъэнхэ, ищыкIагъэ хъумэ IэпыIэгъур афатIупщын фае.