Адыгэ Республикэм щыпсэухэу лъытэныгъэ  зыфэтшIыхэрэр!

Космонавтикэм и Мафэ фэшI тышъуфэгушIо!

Илъэс 61-рэ хъугъэ мы ма­фэм гушхуагъэ къызытхилъхьэрэр. Тихэгъэгу, тишIэны­гъэлэжьхэм ыкIи конструкторхэм, космонавтхэм ыкIи ушэтакIохэм, космосыр цIыфым ыIэ къыригъэхьаным хэлэжьэрэ пстэуми инэу тафэраз. Космическэ къухьэу «Восток-1-м», лечтик-космонавтэу Юрий Гагариныр зэрысыгъэм, 1961-рэ илъэсым мэлылъ­фэ­гъум и 12-м космосым фиу­зэн­кIыгъ. Дунэе цивилизацием ичэ­зыукIэ а хъугъэ-шIагъэм ублапIэ фишIыгъ. Космосым иушэтынкIэ гъэ­хъэгъэшхоу тиIэхэм тихэгъэгу инаучнэ-технологическэ амал­хэр зэрэинхэр къаушыхьатыгъ. Космосым ылъэныкъокIэ Iоф зышIэрэ пстэуми тафэлъаIо псауныгъэ пытэ, щыIэкIэшIу яIэнэу, Урысыемрэ тихэгъэгу икосмонавтикэрэ алъэныкъокIэ гъэхъэгъакIэхэр ашIынхэу. Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат Адыгэ Республикэм и Къэралыгъо Совет — Хасэм и Тхьаматэу Владимир Нарожный