Донецкэ, Луганскэ народнэ республикэхэм зышъхьэ къарызыхы­жьы­гъэхэу пIалъэ горэкIэ Адыгеим щыIэхэм апае гъомылэпхъэ тонни 3 фэдиз тиреспубликэ щаугъоигъ.

Гъомылапхъэхэр зэрылъ Iалъ­мэкъхэр тхьамыкIагъо къызэ­хъулIагъэхэм мы охътэ благъэм афагощыщтых.

Мэзаем къыщегъэжьагъэу Украинэм зышъхьэ къизыхы­жьыгъэхэр зыдэщыIэ чIыпIэхэм мызэу, мытIоу республикэм шIушIэ IэпыIэгъу аригъэщагъ.

«Украинэм къикIыжьыгъэхэу Адыгеим исхэм мы тхьамафэм иублэгъу къыщегъэжьагъэу гъо­мылапхъэхэр зэрылъ Iалъмэкъхэр яттэу тыублагъ. НепэкIэ нэ­бгырэ 484-мэ тирес­публикэ шъхьэегъэзыпIэ щагъотыгъ, ахэм ащыщэу нэ­бгыри 125-р Мые­къуапэ щэ­псэух. ЗыдэщыIэхэ чIыпIэм елъытыгъэу зышъхьэ къе­зы­хьыжьэжьыгъэу респуб­ликэм исыр зыфэдизыр тэгъэнафэ. Нэбгырэ пэпчъ Iалъмэкъ тефэ», — къыIуагъ партиеу «Единэ Россием» и Адыгэ ­шъолъыр къутамэ игъэцэкIэкIо комитет ипащэу АфэшIэгъо Рэмэзан.

«Ащ фэдэ IэпыIэгъум лъэшэу ишIуагъэ къытэкIы. Сыда пIомэ тищыгъынхэр тызыщы­псэущтыгъэ къалэм къыдэтынагъэх, лъэ­шэу тызфэныкъохэм анэмыкI къыздэтштэнэу хъу­гъэп», — къыIуагъ къалэу Мариуполь щыпсэущтыгъэ Александр Заболотнэм. Джыдэдэм иунагъо игъусэу ар Мые­къуапэ щыI, партиеу «Единэ Россием» и Адыгэ шъолъыр къутамэ ишIушIэ IэпыIэгъу ащ иунагъуи IукIагъ.