Мэлылъфэгъум и 12-м Юрий Гагариныр апэрэу космосым зыбыбыгъагъэр мыгъэ илъэс 61-рэ хъугъэ.

Ащ фэгъэхьыгъэ Iофтхьабзэу «НэIуасэ зыфэшъушI, Гагарин!» зыцIэр Гавердовскэ къоджэ тхылъеджапIэу №10-м щызэхащагъ. Ащ къырагъэблэгъагъ кIэлэцIыкIу Iы- гъы­пIэу № 18-м икупхэм ащыщ (кIэ­лэпIухэр Инна Назлиевар ыкIи Ека­терина Чернокаловар).

Iофтхьабзэр окIофэ Юрий Гагариныр зыфэдагъэр, ар ащ кос­монавтикэм зыфигъэзэнэу зэрэхъу-гъэр, зыщеджагъэр, къиныгъоу зэпичыгъэхэр кIэлэцIыкIухэм къафа­Iотагъ. Юрий Гагариным идокументальнэ рассказэу «ЧIыгур сэлъэгъу» зыфиIорэм къафеджагъэх. Мыщ дэ­жьым кIэлэцIыкIухэм къагуры-Iуагъ Юрэ цIыф чэфэу, лIыгъэ хэлъэу зэрэщытыгъэм имызакъоу, лъэныкъо зэфэшъхьафхэмкIэ шIэныгъэ дэгъухэр иIэу, пэрыохъухэр зэпичыхэзэ игухэлъхэм афэкIонымкIэ кIочIэшхо зыхигъотэжьэу зэрэщытыгъэр.

«Апэрэ космонавт» зыфиIорэ къэгъэлъэгъон гъэшIэгъонэу тхылъеджапIэм иIофышIэхэу Н. О. Алексе­евамрэ М. Н. Иргизцевамрэ къагъэхьазырыгъэм ашIогъэшIэ­гъонэу еплъыгъэх ыкIи мы тхьамафэр екIыфэ фаехэр зэкIэ ащ еплъынхэ алъэкIыщт.

Джащ фэдэу летчикым ишъуа­шэ­хэр зыдэтхэ тематическэ тхылъхэм ныбжьыкIэхэр нэIуасэ афашIыгъэх. Iэшъынэ Сусан.