Хэгъэгум ис цIыфхэр социальнэу къэухъумэгъэнхэм фэгъэхьыгъэу къэралыгъом къыдигъэкIыгъэ Федеральнэ законэу, проектэу, унашъоу макIэп тиIэр. Ахэм зэу ащыщ «О государственном (муниципальном) социальном законе на оказание государственных (коммерческих) услуг в социальной сфере» зыфиIорэ законыр.

Ащ дыригъаштэу социальнэ сертификатхэр агъэфедэхэу рагъэжьэщт. Проектым къыхиубытэщтхэр я 5 — 9-рэ классхэм арыс кIэлэеджакIохэр ары.

Сертификатхэм шIуагъэу апылъыщтыр зэрагъэшIэнэу Урысыем ишъолъыр заулэмэ ушэтынхэр ащашIыщтых. Ахэм Адыгэ Республикэри ахэт.

Сертификатхэр зытегъэпсы­хьэгъэщтхэр зекIоныр ары. Хабзэм ахъщэр къетIупщы, кIэлэ­еджакIохэр зыгъэпсэфакIо макIох. ЧIыпIэ муниципалитетхэри Iофым къыхэлэжьэщтых. Адыгэ Республикэм зекIонымрэ зыгъэпсэфыпIэхэмрэкIэ и Комитет къызэриIорэмкIэ кIэлэеджа­кIохэм къаратыщт социальнэ сертификатхэм аосэщтыр сомэ мини 5-м къы­щежьэ. Транспортэу зэращэщтхэми, арагъэшхыщтыми, эк­скурсиехэми, хьакIэщэу зы­чIэсыщтхэми ауасэ ащ хэхьэх.

ПрограммакIэр загъэфедэщтыр Iоныгъом къыщегъэ­жьагъэу тыгъэгъазэм нэс, нэужым зэфэхьысыжьхэр ашIыщтых.