Мыекъуапэ иурамэу Низпоташнэм къыпэблэгъэ чIыгухэм атет уцыжъ гъугъэхэр фэсакъыхэзэ бэмышIэу агъэстыгъэх.

Ащ фэдэ Iофтхьабзэхэр зэшIохыгъэнхэм кIэщакIо фэхъугъ ошIэ-дэмышIэ IофхэмкIэ къалэм и ГъэIорышIапIэ. МашIом зыкъимыштэным фэшI бгъэцэкIэн фэе Iофыгъохэр тыдэкIи щыIэх, ахэм гъунэ алъыфыгъэныр зыщыдгъэгъупшэ хъущтэп.

УФ-м ошIэ-дэмышIэ IофхэмкIэ и Министерствэ и ГъэIорышIэпIэ шъхьаIэу Адыгэ Респуб­ликэм щыIэм ипащэу Станислав Илющенкэм район муниципалитетхэм зэкIэми япсыхъо къуладжэхэр, къамыл зэхэкIыхьагъэхэр, хэкIитэкъупIэхэр агъэкъэбзэнхэ, машIом зыкъимыштэным епхыгъэ Iофтхьабзэхэр зэрэзэхащэнхэ фаер ариIуагъ.