Урысыем тарихъ гъо­гу къин къыкIугъ. Тихэгъэгу бэрэ ушэтыпIэ­шхохэм арыуцоу хъугъэ, ау анахь чIыпIэ къин­хэми къарыкIы­жьын, ыпэкIэ лъыкIотэн ылъэкIыщтыгъ. Типащэ­хэм анахь гумэкIыгъо лъэхъанхэми шIэгъэн фаемкIэ тагъэгъуазэщтыгъ. Жириновский Владимир Вольф ыкъор ахэм зэу ащыщыгъ.

Ар теубытагъэ зыхэлъ цIыф Iушэу щы­тыгъ, хэгъэгум итарихъ зэрэ­хэхьагъэр апэрэ по­литик чыжьэрыплъэу, УрысыякIэм и Президент ихэдзынхэм зиIа­хьышхо ахэзышIыхьа­гъэу ары.

Ащ СССР-м апэрэ оппозиционнэ партиер — ЛДПР-р щызэхищагъ. Илъэс 30-м ехъу­рэ ЛДПР-м пэщэныгъэ дызэрихьагъ! Политик IэпэIэсабэ ыгъэсагъ.

ЦIыфхэм Владимир Жириновскэм еплъыкIэ зэфэшъхьаф фыряIагъ. Ау зыми щигъэзыен ымылъэкIыщтыр джырэ Урысыем политикэу пхырищырэм ащ чIыпIэшхо зэрэщиубытыгъэр ары. Ащ дырамыгъаштэуи къыхэ­кIыщтыгъ, ау нэужым ар зэрэзафэр къагурыIожьыщтыгъ.

УзэрэзекIон фаер ащ сыдигъуи ышIэщтыгъ. Влади­мир Жириновскэр уигъу­сэ зыхъукIэ уапэкIэ щынагъо щыIэми пщы­гъупшэщтыгъ.

Ар зыпылъыгъэр 1990-рэ илъэс къинхэм Уры­сыем изыкIыныгъэ къызэтегъэнэжьыгъэныр, партийнэ системэр гъэпы­тэгъэныр, къэралыгъом имэхьанэ къемыгъэIы­хыгъэныр, Къырым Урысыем къыхэгъэхьажьыгъэныр ары. Жириновский Владимир Вольф ыкъом къыдэхъугъабэмэ ар язы Iахь цIыкIу ныIэп.

Владимир Жириновскэр чыжьэрыплъэу щы­тыгъ. Ащ ицыхьэ те­лъыгъ Урысыер амалышхо зиIэ къэралыгъо инэу зэрэщытым. Сыд фэдэрэ IофкIи тызэратекIощтым шIошъхъуныгъэ пытэ фыриIагъ.

Ау ар тхэкIыжьы­гъэшъ, непэ тэшъыгъо…