Академическэ орэдкъэIоныр анахь къинхэм ащыщ. КIэлэ­еджакIохэм ащ зыфагъэсэныр ашIогъэшIэгъон.

Адыгэ Республикэм культурэмкIэ и Министерствэ, республикэм искусствэхэмкIэ икIэлэцIыкIу еджапIэу N 1-м методи­кэмкIэ игупчэ зэхащэгъэ я XI-рэ зэIухыгъэ зэнэ­къокъум илъэси 7 — 16 зыныбжьхэр хэлэжьагъэх. ОрэдыIохэр купи 4-у гощыгъагъэх.

КIэлэеджэкIо 40-м на­хьыбэ зэIукIагъ. Мыекъуа­пэ, Адыгэкъалэ, респуб­ликэм ирайонхэм орэд къызэраIорэм дакIоу, ис­кусствэм ишъэфхэр зэ­рагъэшIэнхэм пылъых.

Кощхьаблэ искусствэ­хэмкIэ икIэлэцIыкIу еджапIэу Хьагъэудж Мыхьамэт ыцIэ зыхьырэм зыщызыгъэсэрэ Аулъэ Сабринэ апэрэ купым текIоныгъэр къыщыдихыгъ, лауреат хъугъэ. А. КIэдэкIоир ащ икIэлэегъадж.

Адыгэкъалэ искусствэ­хэмкIэ икIэлэцIыкIу еджапIэ къикIыгъэ пшъэшъэ­жъыеу Семэн Аминэ лауреат щытхъуцIэр къыфагъэшъошагъ, апэрэ чIыпIэр къыдихыгъ, Хъ. Мамые­къор икIэлэегъадж.

ЯтIонэрэ чIыпIэр ­ПщыукI Заирэ — Адыгэкъал, Давид Бербетовым — Кощ­хьабл, къыдахыгъэх.

ЯтIонэрэ купым илъэси 10 — 11 зыныбжьхэр щызэIукIагъэх. Захар Чевычеловым, Натырбые щыщ, апэрэ чIыпIэр фагъэшъошагъ. Хъуажъ Самирэ, Шэу­джэн район, ящэнэ- рэ хъугъэ, кIэлэегъаджэр Э. Хъымыщэкъу.

Ящэнэрэ купым, илъэс 12 — 13 зыныбжьхэр щы­зэIукIагъэх. Мыекъопэ рай­оным щыщэу Максим Кулакиныр лауреат хъугъэ. Илъэс 14 — 16 зыныбжь­хэм якуп Анастасия Брагинам апэрэ чIыпIэр къы­щихьыгъ, Инэм зыщегъасэ. Хъут Алим ятIонэрэ чIыпIэр къыдихыгъ, ДШИ-1-м щеджэ, Мыекъуапэ щыщ. КIэлэегъаджэр Е. Попова.

КIэлэегъаджэхэу С. Къу­­шъхьэм, А. КIэдэкIоим,

Э. Хъымыщэкъом, А. Мыр­зэм, Е. Поповам, А. Берестоваям, нэмыкIхэм щытхъу тхылъхэр афагъэшъошагъэх. Концертмейстер анахь дэгъухэу Р. ЕмыкIым,

Ф. Нэгъоим, Н. Бочарниковам, А. ЖэнэлIым, фэ­шъхьафхэм афэгушIуагъэх.

— Адыгеим къэралыгъо гъэпсыкIэ иIэу зыпсэурэр илъэси 100 зэрэхъурэм тыпэгъокIызэ, тикIэлэеджа­кIохэм яшIэныгъэ зэрэ­хагъахъорэр зэнэкъокъум къы­щылъэгъуагъ, — къытиIуагъ осэшIу купым хэ­тэу, Адыгэ Республикэм инароднэ артисткэу Нэ­гъой Маринэ. Сахьидэкъо Нурбый. Сурэтым итхэр: хагъэу­нэфыкIырэ чIыпIэхэр къыдэзыхыгъэхэр, кIэлэ­егъаджэхэр.